كيف تصلحين البودرة المكسورة والماسكارا الجافة
بودرة الوجه أو أحمر الخدود أو حتى ظلال العيون،
كتير بتسقط علبة البودرة او الايشادو و تتدلق فتحسي انها خلااااااص راحت عليها و مش هتنفع تاني حتى ولو كانت جديدة،
بس على مينيييين مش احنا اللي نيأس و نرمي الحاجه كدا بسهولة
لو حصل الكلام دا معاكي هتمشي على الخطوات دي و هتلاقيها رجعت زي ما كانت :
• جمعي البودرة اللي اتكسرت منك، و حطيها في حاجه صغيره /وعاء.
• ضيفي قطرات قليلة من الكحول إلى الوعاء الموجود فيه البودرة.
• اخلطي كل المكونات مع بعض (البودرة + قطرات الكحول ) لحد ما يتكون معاكي معجون من الخليط /استخدمي أعواد الأسنان الخشبية (الخلة ).
• بعد كدا هتحطي المعجون في العلبة الخاصة بالبودرة، ثم مدي الخليط بطريقة متساوية مستخدمة السكين، وبعدها اتركيه جانباً ليجف وحده.
كدا انتهينا من الأيشادو و البودرة و كله تحت السيطرة 💪
نيجي للماسكارا....
• لو كانت الماسكارا الخاصة بك جافة ولسه جديده يعني ما عداش عليها 6 شهور،
فكل اللي هتعمليه انك تغمسي علبة الماسكرا في الماء الساخن لحد منتصفها لمدة دقيقتين أو ثلاث دقائق،
و أخرجيها من الماء، هتلاقي أن الماسكرا رجعت زي ما كانت و استردت طراوتها الطبيعية وأصبحت جاهزة للاستعمال من جديد.
0 التعليقات:
إرسال تعليق